 |
|
|
|
|||||||
| التسجيل | التعليمـــات | قائمة الأعضاء | المجموعات الإجتماعية | التقويم | مركز اكس بي | البحث | مشاركات اليوم | اجعل كافة الأقسام مقروءة |
| منتدى الشعر الشعبي مخصص لرواد هذا الشعر المميز ... |
 |
|
|
أدوات الموضوع | انواع عرض الموضوع |
|
#1
12-19-2009, 09:24 AM
|
|||||
|
|||||
قصائد أبوذيه دارمي لشعراء عراقيين
لاني من محبين الابوذيات حيت انقللكم هذي المجموعه من الابوذيات اتمنى تعجبكم  نبتدي وياكم منوع شعري عراقي أبوذيه دارمي قصيدة ونبدي قصائدنا بقصيدة للشاعر المرحوم رحيم المالكي بعنوان متزوج أرهابي @متزوج أرهابي@ تريد أكتب غزل وانساها الهموم واّنه ويلغزل نافض كوامه شكتب يا غزل واتغزل ابيــــــش يخي خلها سكته بلا ملامه انا شاعر حقيقي واملك احساس اترف من جنح اترف حمامه ويهزني الجمال الحيل ممــــلوح واطرب لو شفت بعض الوسامه واسكر وانتشي بنظرات العيون وتسحرني الشفايف بابتسامه لكن وادري لكن سبب بلــــــواي المثلي واجب يسحب كلامــــه خصام ويه المره من قبل عشرين فشك وسلاح يوميه انترامـــه مااكتب غزل صدكوني معــــــــذور شما اطب البيتنا تقوم القيامه متزوج ارهابي ولابس احــــــزام بس يزعل عليه ينسف حزامه انا محتاج خطه امن للبـــــــــــيت تطب لبيتنا وتنزع الغامـــــــــه حتى اكتب شعر من صدك مرتاح واوزع هاتفي وانشر ارقامــــــه لان موبايلي يوميه تفتيــــــــــش تشوفه عيون زرقاء اليمامــــــه ألشاعر الشهيد @ رحيم المالكي ################################# وقصيدة جميله بعنوان أوكف يازمن اوكـــــــف يـــــــا زمـــــــــن ؟؟؟ ,’’’ -------------------------------------------------------------------------------- اوكف يا زمن عدنه عتاب وياك تعال وشوف جرحك بيش ملچوم خليت المصيبة بگلب كل انسان ويابيت التطبله تشوفه مهموم عاشرنه الحزن من چنه بالكاروك ولحد ما كبرنه ويانه مظموم البشر بالعيد تفرح تلبس اشكال واحنه من الدمع فصلنه الهدوم العيد إنذِبَح والضحِك دمه يسيل ومجهول الهوية الفرح هاليوم تعودنه بعد عالقهر والحسرات وتعلمنه الحزن مو خوش تعلوم نعيش بنص وحوش وناس تاكل ناس وضمير اكثر العالم صار معدوم صار الضحك سلعة وتشتريها الناس وثمن كل ابتسامة بكاس مسموم ########################### والأن حرب الأبوذيه لشعراء عراقيين من أنحاء العراق الموحد نثرت دموعي للاسمر والاكحل وصبغ وجانتي على خدودي ولك حل صدكني سهل انت ولك حل احلك لو ترد انت علية على ضيم الهوى ياروح علمي وبيها ارفعت اني اليوم علمي اسالتها المستوى وتكول علمي بخامس باء يالتسال عليه قلبي انت ملكته وانت حر بيه عليل وطبي عندك وانت حر بيه كاس السم اشربه وانتحر بيه اذا غيرك يمس اطراف ادية باب الدار بجفوفي لحني وحنين النوك ما يوصل لحني وطيت لكن اسهمك لحني بوسط قلبي وطبيبي احتار بية هلي وياهم چنت عايش بلاهم ونهاري شماضوى مظلم بلاهم هلي مدري الوكت شنهو بلاهم ولاهم اعرفوا بالصار بيه حبيبي لا تظن انساك ولهه دوه الروحي غرامك صار ولهة الشفة والعين ترد عليك ولها تدعيلك كل صباح وكل مسية الك ياصاح ماظل مني خاطر واحسبه احساب دربك من اخاطر تعال كرب حبيبي مني خاطر تعرف اجنون حبك اسوه بيه انا بگاروك حبك وانته هزني صرت فرصه بحياتك وانتهزني انه شجره محبتك وانته هزني وخلي الورد يتناثر عليه عيونك تصيب الگلب بسهام يلي ابد ماشفت بهواك بسهام انا طير المهاجر بالفضاء بسهام اشوفك وانا تايه بالبريه يـحلو الاطبـاع واصلني وقارب ماعندي اهل غيرك وقـارب سفينه بالبـحر ردتك وقـارب تشيل الحمل من يثگل عليـــه ####################### دارميات جميله تتلاعب بأحساس المتلقي دارميات ما تنسمع رحّاي بس آيدي أدير أطحن بكايه الروح موش أطحن اشعير ***** أطحن واكضي الليل عن المأ ريده بالكذله أصبح شيب من مدة ايده ***** موش أطحن شعيرات أطحن بهمك أكعد ودور الروح تلكاهه يمك ***** ما تنسمع رحّاي بس بجيّ مسموع جاتلني والله هواي ما منه مرجوع ***** متحزمه وانكل شوك (للفود)أدفيه بغشيش ألك يالموت؟من عندي دخفيه ***** ضيجة خلك بالبيت رجلي آنه اشوفه صاحت علىّ الناس جن أرد اعوفه ***** الودر..؟ جاني ينام والشمس عدله والله بجلب مجلوب لوصح أبدله ***** وين اليفك مظلوم وين الله وينه يتركرك عله جلاي هذا الحضينه ***** أتكلي أمي اخذيه اكرع وشايب أتلمس بعلباه مامش كصايب ***** زفوني نص الليل للبرد حيله...؟ حبني وترسني اتفال من وره الشيله ***** الحجي بس وياي ناكص بالعيار كلهن يكسرن جوز وآنه أكسر حجار ***** كل الشيوب التموت شيبه يتجدد رآيه وسبع خرفان يومن تمدد ***** كالولي رجلج مات موتة جلبنه...؟ النخل بيه جريد والصاري عدنه..؟؟؟ ***** أيكلي همي العشه خلينه نشبع نوم الما تريده النفس جالشركه بالزردوم ***** يا فلان اجاك وليد حظك غلبني اوصل لباب الدار يبجي ويردني ***** يا نغل ولد(أعفين )بالشط من ارميك لوجنت أبن هواي بالعين أخليك ***** أرجه اليموت يعود روحي أمهبوله طبكت عليه الكاع ما بعد أنوله ***** كلجن يمظلومات للكاظم امشن ويم سيد السادات فكن حزنجن ***** شايله فرخ(لكعيم ) مالج يابطني ربطة شفج بعذار ربي ربطني..؟ ***** آخذله دمع العين وأصعد للأزرك...؟؟؟ لو ينعل الشيطان لو يجسم ! الحك ***** جيبولي جدر النيل خل اصبغ الثوب تو أيس الدلال منهم فرد نوب ***** مثل الجدع ممدود مطلوني يمه..؟ كلما يجي ويروح بيدي أغمه ***** ريت العمامه أحدار كش ول يامومن..؟؟؟ من كونه موش هواي لكبع وكومن ***** وينج ووين الرجل بعدج زغيرونه عيونج فشك مستحه للحرب يريدونه...؟؟؟ ***** خطار أهلنه منين هاشم يديه بس لا تكوليش لا خطاب اليه ***** مو كلشي نتمناه يوكع بدينه أحنه السفن والريح تلعب علينه.؟ ***** آي والعرش واللوح والبلعته الحوت نارك بلب أحشاي تلتهب للموت ***** والحجر وأهل البيت والحج والحرام كل ساعه من فركاك(يشكر )بالف عام ***** غصبن عله الروح جابتني اشوفك جثر الهه بالصدعات بلجن تعوفك ***** مهضومه جيت أنخاك كلهم ولوني لالي ولي بهل دار أهلي نسوني ***** وشبعد وشخليت تنغط يالغراب تنذجر ماتنشاف خليت الاحباب .؟ ***** كالولي منهو ذاك كلتلهم هواي شنهو العلامه البيه.؟رف كلبي وجلاي ***** ما نمت ربع الليل نشدوا ألمخده وآنه حلمت بهواي خدي عله خده ***** أحزن حزن معدان وارجي العصابه ويه أم رجل وفروخ عوجه الطلابه ***** يا مجوره وين تردين زينه نزلنه كل أحنه نمشي وياج ونعوف أهلنه ***** اليون تالي الليل لا بد عله اسباب لو دهر موجر بيه لو ذاجر أحباب ***** ظل ابجي طول الليل ابدن ما أهزك لو جنت ابن هواي جان اشمعزك ***** أتنخه بالنسوان خيه أبجن أبجن نوبه عله ولفي الراح نوبه عله هلجن.؟ ***** شيخصهه بيه الناس رجلي أرد أجويه يركض وره اليمشون صاير طبع بيه ***** ربي انتجلت عليه ...جوزني حايج يتعاركن رجليه مثل الشرايج ***** شو دمش عني غاد ول ول يبو أركب ليهّ ما يخلقك زين من كون ألك رب...؟؟؟ ***** يا من تبدل وياي رجلي برجلهه.؟ ونعادل أبميزان والزايد الهه ***** لو تون لو ترتاح لو تلزم الباب جنك جدع ممدود ما بين الاحباب ***** أرد اللعب بدنايّ ما طالت ايدي الفكر والشبعان خامه أبمجيدي ***** عود أبعدت واسلاك غمك لهالراي تعرضلي وكت الزاد وبشربة الماي ***** حبله وأهز كاروك سبعه لي اللعبون ما جوز آنا! من هواي كلكم تشهدون ***** من زار رجلي وجاي أنسلت خيطه...؟؟؟ خليني وي اهواي أخذلي ميطه ..؟؟؟ ***** العتب موش عليك عتبي عله لعكال شوماكلت من أول شوط مابيه تطوال..؟؟؟ ***** والبيدي والبلكاع وعله امتوني ماجوز انا من هواي لو كطعوني ***** عمتك زينه وياك عمتي اشعمه حته الهوه من هواي ما ترضه اشمه ***** همي وهم هواي وهم الله فوكه...؟؟؟ تفتر عليه الناس جن عندي بوكه ***** هواي أريد هواي هواي أريده ما كوم آنا مناه ألا أيدي بيده ***** ظل أبجي ما خليك ترضع حليبي أنت وابوك تروح فدوه الحبيبي...؟؟؟ 1 لا تعتذر مليت ماريدك وياي هو الجسر شيفيد لو ينشف الماي . 2 ها هاك اخذهه الروح ماتحمل وداع چتفهه حتى ارتاح والزگهه بالگاع 3 گاعد واناطر دوم طيفك يجيني ولو دوّرت بالعين تلگه انته عيني 4 تدري الكم اشتاگيت حد گطع الانفاس عاين تشوف الشوگ من جدمي للراس 5- بالحلم لو مريت اگعد واحاچيك مدري الخلل بالروح مدري الخلل بيك ######################## تم بعون الله أتمام كتابة القصائد ومازالت أبوذيه تدور في خيالي وأتمنه أن تنال أعجابكم بعنوان أسف بغداد اسف بغداد من عالي هويتي حره شلون للغاصب هويتي على اسوارج غرب شكو هويتي شلت طينج صفه بجيبي هويه ____________________
 وغاب أبي. وما أبقى سوى ذكراه في وجعي أحن له وأنعاه أما كنت المساء معي مساء اليتم يا أبتي تحن إليك ذاكرتي فآتي قبرك الغالي لأجري دمع فاتحتي 
|
|
#2
12-19-2009, 01:48 PM
|
|||||
|
|||||
عاشت ايدج ورده على ايو ذيات والدارميات الجميله تقبلي مروري المتواضع
تحياتي ____________________
AMEER AL3BIDE
|
|
#3
12-20-2009, 09:40 AM
|
|||||
|
|||||
|
منور صفحتي اسعدني مرورك
دمت بحفظ الرحمن ____________________
وغاب أبي. وما أبقى سوى ذكراه في وجعي أحن له وأنعاه أما كنت المساء معي مساء اليتم يا أبتي تحن إليك ذاكرتي فآتي قبرك الغالي لأجري دمع فاتحتي
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
|
|
 الإعلانات النصية |
|||
العرض العادي
